Sueche Corrado VR6

[Flex]

Ciao zäme!

Ich ha dänkt ich schrib das gsuech grad dahere, wo d schwizer unter sich sind, dänn chani grad schwizerdütsch schribe.
wies obe scho staht sueche ich en VR6 Corry im möglichscht originale, pflägte Zuestand :pray. Farb sött entweder dark burgundy, bordeaux oder dunkelblau met. si, km vo vorteil under 200t, isch aber ned bedingig. MFK egal, prislich so ca. bis 7 mille. Falls öpper vo euch eine weis wo dene kriterie entspricht, bini für jede Tipp dankbar! :top

[thomasvr6]

hät s vo denä be autoscout ned tonnenwiis? Bi ja immer chli am luägä, au wenn mer min mech vomenä G60 abgratä het
ja ich weiss das du en vr wetsch

[CH-VR6]

Hi

Hätt der en Corrado VR6, hed 180'000 km, tüüfer, ond söscht nüd speziells gmacht, also fascht original. dFarb esch glaub sogar dark-burgundy.

Mäldsch di wenn Interässe hesch (esch ned mine, kenne de Bsetzer ned guet)

Gruess Reto

[Flex]

Ja d agebot vo Autoscout & co känni scho, aber wasi no vergässe han z schribe: schwarzes läder sött er ebe au ha und dänn gheiet halt di meiste agebot weg

@ CH-VR6 häsch Bilder? Pris?

[Olirado]

7mill isch halt scho sehr wenig für en VR6 und dänn na mit Läder!!!! :thk
Dänke, dass dä Pries anechunt wird er e paar Macke muesse ha, sprich Büleli, technischi defäkt etc.....
Chasch ja au en normale chaufe und sLäder suscht ietue, isch aber halt au sehr schwär zum finde....


Evtl. hät dir dä Etienne so en Vr6, halt ohni Läder.... er isch aber nani sicher, ob er en verchauft.... ?(

[thomasvr6]

nur wenn mer vergliicht was mer in Dütschland alles bekunnt für 7ni, regts ein grad wieder uf. Mir zahled eifach zvill für die autos :wand

[Pluto2000]

segi ja darum gseh ich au nid ih über 15mile für en corri zahle wenn im D-land de glich für d'hälfti bechumsch :ablach

[Dan.g60]

wie gseht das dänn eigentlich mitem Zoll eso us ?( wenn mer es Auto importiert.

[White Corrado]

Dä Oli saits, ha no einä. Da heisst, er chunt ende Monät inä, wird frisch vorgführt. Dä Price wird bi ca. 7000.- liggä.
Je nochdem wiävill i no muä investiärä. Sind no äs paar chlinäri Sachä zmachä.

Eckdatä:

VR6, Jg 92 (aber Karossä und Innäusstattig vom neuä Modell), ca. 170tkm, col. grau (LK7Y od. LD7Y), kei Klima, kei Leder.

Werd dänn dä Thread nomol uäholä wenn i konkrets weiss

CHeers!

[Flex]

Ja das mitem Importiere würd mich auno interessiere. hät das da schomol öpper gmacht ?(